Facebook Page 增加粉絲實戰策略，有不少小編問粉絲由零開始應該點做，不同專頁唔同客有唔同 Objective，我哋綜合幾個類型同過往經驗分享4個粉絲數目為階段的上粉策略，步驟和先後次序可因不同專頁而有所分別，歡迎留討論。
第一階段：粉絲數目0
開新 Page 首先要用盡方法令粉絲數目過百，因為要過百粉絲先可以啟動 Facebook Insight。內容當然緊要但呢次講上粉策略，可睇留言有上星期分享過嘅25個跑數內容手法。頭100個 fans 可邀請朋友或同事，盡量以專頁 Target Audience（如年齡、性別及興趣）為目標去邀請（除非你係唔開得真身如我哋咁就呢個時間要落 Ad 啦），咁對你日後再上粉有好大幫助，但千萬唔好邀請老友記（長輩），因為佢地大部分都好支持後輩而秒Like你個 Page 同 Post，唔想日後所有老友記成為你的頭號粉絲就要諗諗。
第二階段：粉絲數目100-1000
粉絲到達100人之後就可以使用Facebook Insight，首先要睇睇粉絲insights 睇睇是否你想要的年齡層同性別，因你個 Base 得100，除非你好快出到隻 Killer Post（Engagement 高又吸到你想要嘅TA），好多人Share 又啱你TA，建議出 Post 出密少少快啲試出 Killer Post，否則100-1000呢個時刻真係好辛苦，因為好多人都未必會 Organically Like 1000粉以下的專頁，所以要開始落廣告。
廣告可以從以下兩方面入手：
- 粉絲的朋友：首先假設頭100名粉絲係你想要嘅人，那可用群眾影響力去派廣告俾佢地。
- 首次廣告A/B Test：就算老手小編在開新專頁時都要做大量A/B Testing去了解下受眾群嘅反應，所以可以試由多個年齡層及相關興趣出發，如18-24、25-34及35-44等及性別、喜好和內容，之後根據結果再慢慢微調。
第三階段：粉絲數目1000-5000
粉絲到達1000人，呢個心理關口對好多人決定 Like 唔 Like 嚟講好重要，Like 一個過咗1000人嘅 Page 會易過3個位Fans數嘅 Page。經過頭1000 Fans 你應該對咩內容易上粉有一定心得，除咗不斷製作可自然上粉嘅內容外，同埋應該有1-2隻 Killer Post 可以重覆使用嚟做廣告，落廣告記得排除已 Like 你個 Page 嘅Fans呀！
廣告策略可用以下兩個方法：
- 對有潛質的 Post 落 Post Reach/ Engagement 廣告加大接觸率，你可邀請 Like 過 Post 嘅人去 Like Page（邀請係免費）
- 針對與 Post 有互動（CLS: Comment, Like Share 或 Video View） 過嘅人派發廣告，因為佢同你啲 Post 互動過 Like Page 嘅可能性會大好多。
第四階段：粉絲數目5000-10000
粉絲過5000人，照道理如果 Keep 住出 Post 會有 Organic Fans Growth，你可試用 Page 身份去不同專頁/ Group 進行互動（要確保適合你個 Page 嘅形象），由於有5000人如果係有心經營應該已有一班忠實Fans，可攪一啲小 Campaign 去做多啲互動同帶多啲人入嚟，Chatbot 留言+1都係一個好方法，當然要配合適當內容。
廣告策略可用以下兩個方法：
- 用粉絲做 Lookalike 用戶群，Facebook 的 Lookalike 功能可以根據指定受眾群的興趣去找類似的用戶，你有5000人以上準確度可以接受使用 Lookalike。之後可增大 Lookalike %用戶群，Lookalike 最多可去到 10%，可由1%-3%試試。
- 嘗試用廣告去接觸非 1st Priority TA 嘅用戶，係時間去發掘新客戶，如女性產品嘅核心 TA 係18-34的女性，可試試用唔同嘅內容角度去接觸 35-44 的女性，甚至以男性買產品俾女朋友的角度去接觸非核心用戶。
大家對以上分享有任何意見或有 Digital Marketing/ Social Media 問題都歡迎電郵我們或到 我係小編 Facebook 專頁 留言或可以加入我們的 Facebook 群組小編正候群 一齊交流！