Facebook 於19/10在6個國家（斯洛伐克、斯里蘭卡、塞爾維亞、玻利維亞、危地馬拉和柬埔寨）實驗性試行新的 Page 派貨（Organic Reach）方法，跟據數字媒體記者 Filip Struhárik Medium 提到 Facebook 新的派貨方法令以上6國 Page Organic Reach下降至0，用家只見到朋友 Post 與 Page Paid Post。Facebook 發言人說這只是一個地區性測試，但並沒有提及什麼時候會結束測試。（下圖為 Filip Struhárik Medium中提到60個最大的斯洛伐克媒體Facebook Page 的 Average Engagement 自測試以來減少50% ）。
事件發生至今有不少香港 Page 都發現 Organic Reach 有少計下降（但 Facebook 聲稱只有6國測試並未有考慮於其他地區實行）。
雖然大家成日都話 Facebook 而家好商業化，好難再見到朋友的 Post，但當近幾年大家都習慣於 Facebook 上睇新聞及吸收各種資訊的時候，此舉動又是否適合呢？其實每一次 Facebook 有所動作小編都大為緊張（我地幾位小編講咗幾日仲講緊），由當年個個 Page 告急要大家 See it first 到今日派貨奇低，不如聽下我地幾位小編有咩講啦（建議）啦！
落Ad小編：大家不如學好點落Ad啦，因為第日有可能係鬥落Ad落得準先有出路。以後我係小編寫多啲落Ad同大家分享下落Ad心得。其實佢心諗：＂你地都有今日，成日睇唔起落 Ad 嘅 Post，話同錢買，第日冇錢買 Reach 你地啲內容幾好都冇人睇到呀＂
內容小編：如果真係化 Organic Reach 為零一定要 Ad Boost 咁點算好呢？可能 Facebook 會正式進入汰弱留強時代，好多 Share 為主嘅 Page應該唔會放太多 Resource去 Boost 人地嘅 Post 而摺埋，當然好多小編生涯就此玩完，但呢一日遲早都要嚟（喂！但我地個Page啱啱岩開喎？）
睇數小編：咁我係咪會少咗嘢做？定係隻隻 Post都要做到咁精我要出好多個對家嘅 Report 俾你地參考？A-B Test 洗唔洗 Test 多幾個先？咁究竟我係會多咗定少咗嘢做呀？有冇條數我睇睇呀！媽我好亂！
關公小編：一定好多 KOL 會死，一係去哂 IG，咁我個 KOL list 又要 update，但可能少咗好多選擇少咗好多人要 Manage 都唔係唔好嘅。但一出 Event 就來來去去都係果幾個。
IG小編：大家嚟玩 IG 啦，Facebook 用戶群愈嚟愈年長，Mark 大大出埋呢招都係想大家多玩 IG，IG冇 Facebook 咁煩一齊轉會啦！影相拍片小編表示十分認同。
設計小編：食番支煙先啦，洗乜咁驚喎，我舊時砌 site 而家做 Feed 剪埋片咪又係好唔同，點會咁易死，最多要學做第二樣嘢，Basic Skillset 又係差唔多（小編團隊入面佢年紀最大）。
打雜小編：我啱啱入行我只係想知我仲有冇得做……定係轉工好。
總之各小編加油啦！